Xárene Eskandar er listakona búsett í Los Angeles sem vinnur með video og ljósmyndamiðilinn. Í verkum sínum skoðar hún skynjun líkama og sjálfs með því að breyta skynjun tíma og rúms. Verkið Salton Sea Revisited er til að mynda einn dagur; sólarupprás til sólseturs, skipt niður í margar einingar. Þannig brýtur hún upp skynjun okkar á tíma og rúmi. Flest verkanna eru í formi videoverks en ljósmyndaverkin er stillur úr þeim. Xárene er með Bachelor of Science frá University of Cincinnati, og MFA í hönnun og fjölmiðlalist frá UCLA. Hún hefur sýnt verk sín á alþjóðlegum viðburðum og stofnunum svo sem Istanbúl hönnunartvíæringnum,  Listaháskóli Íslands; Fabrica; Bâtiment d’art contemporain, Genève; Center of Contemporary Art, Torun; Kiasma samtímalistasafnið, Helsinki; Listasafn Suður-Utah; og Walt Disney Concert Hall, Los Angeles.