Anna Álfheiður Brynjólfsdóttir (f. 1977) útskrifaðist með B.A. gráðu í myndlist árið 2009 og M.A. gráðu í listkennslu árið 2020 frá Listaháskóla Íslands. Undanfarin ár hefur hún að mestu unnið með óhlutbundin þrívíð form þar sem mörk málverks, textíls og skúlptúrs eru könnuð með áherslu á rými, sjónræna hreyfingu og skynjun. Samhliða þeirri vinnu hefur hún einnig þróað tvívíð málverk þar sem geometrísk form, línur, litir og endurtekning mynda taktfasta sjónræna heild. Í verkum hennar mætast nákvæm vinnubrögð, sterk formræn hugsun og rannsókn á samspili forms og rýmis. Anna hefur haldið fjölda einkasýninga og tekið þátt í samsýningum hér á landi. Verk hennar eru einnig fáanleg hjá Listval.