Verkin eru unnin úr vatnslit og segulvirku litarefni og vísar titill seríunnar í leit listamannsins til að kortleggja tiltekna virkni litar. Vatnsliturinn var leiddur inn í samtal við grunnöflin: segulvirkni og þyngdarlögmál. Anna Rún sviðsetti gjörninga á vinnustofunni, þar sem efnin fengu að myndbirtast hvert á sinn hátt. Útkoman er röð af einstökum verkum þar sem segulvirkni dregur svarta litinn út úr málverkinu.