Listval er sýningar- og sölugallerí í Reykjavík, stofnað árið 2019. Galleríið vinnur með bæði rótgrónum og upprennandi samtímalistamönnum og leggur áherslu á fjölbreytta miðlun myndlistar, bæði í rými og á netinu. Listval hefur haldið fjölmargar sýningar í eigin rými og á öðrum sýningarstöðum og starfar markvisst að því að gera samtímalist aðgengilega fyrir innlenda sem erlenda áhorfendur. Listval sérhæfir sig jafnframt í listaverkaráðgjöf fyrir einstaklinga, fyrirtæki og stofnanir og hefur unnið í samstarfi við ýmis fyrirtæki og opinberar stofnanir.