Áslaug Íris Katrín Friðjónsdóttir sýnir ný verk á sýningunni STEIN – SKRIFT í Norr11. Í verkunum veltir Áslaug fyrir sér myndmáli, lestri og skilningi, framsetningu tungumála og skilaboða. Áslaug vinnur með óhlutbundið myndmál og skoðar hvernig form verða að táknum sem verða svo partar af kerfum eins og myndletri, merkjakerfi eða stafrófi. Hún byggir upp myndflötinn með hinu táknræna kerfi og skapar jafnvægi milli myndmáls og efnis. Titill sýningarinnar Stein – skrift er óður til hýróglýfa og rúna sem forðum daga voru hoggin í stein.
17.10 –
10.02.2021
@ Norr11
Áslaug Íris Katrín
Stein – Skrift
Áslaug Íris Katrín Friðjónsdóttir (f. 1981) lauk BA prófi í myndlist frá Listaháskóla Íslands árið 2006. Árið 2009 lauk hún MFA prófi frá School of Visual Arts í New York. Verk Áslaugar hafa verið sýnd á sýningum í söfnum og galleríum á Íslandi, í Evrópu og í Bandaríkjunum.
