Í verkum Erlu Þórarinsdóttur birtist hið sammennska; hún leitar að frummyndum og samhengi mannsins í heiminum. List hennar er öguð og frjáls í senn, í stöðugu jafnvægi en þrungin orku. Erla útskrifaðist frá Konstfack í Stokkhólmi árið 1981 og hefur starfað að myndlist síðan. Hún hefur sýnt víða á Norðurlöndunum, í Vestur-Evrópu, New York, Indlandi og Kína og tekið þátt í fjölda sýninga hér heima og erlendis. Erla býr og starfar í Reykjavík.