Þórður Hans (f. 1992) leggur stund á myndlistarnám í Den Haag í Hollandi við Konunglegu Listaakademíuna. Þórður er einn stofnenda listamannakollektívsins Art Studio Art Collective og prentverkakollektívsins Postprent. Viðfangsefni hans eru meðal annarra tengsl mannfólks í gegnum tól og tæki, þá sérstaklega garðáhöld. Á sýningunni Tól til samlífiis í Ásmundarsal gat að líta niðurstöður rannsóknar hans á mismunandi samlífisformum manneskja á milli. Skúlptúrarnir á sýningunni voru verkfæri ætluð fleiri en einum til notkunar og tilraun til að færa flókin mannleg samskipti yfir í strangt flokkunarkerfi líffræðinnar á samlífi lífvera.