Arngunnur Ýr er með BFA gráðu frá San Fransiskó Art Institute og mastersgráðu frá Mills College, CA. Hún stundaði  einnig nám við Myndlista- og handíðaskóla Íslands og Gerrit Rietveldt Academie, Amsterdam. Verk hennar er að finna á helstu listasöfnum landsins og í virtum söfnum og stofnunum víða um heim. Arngunnur starfar sem leiðsögumaður, og þekking hennar og ástríða á náttúru Íslands kemur víða fram  í verkum hennar. Arngunnur hefur haldið sýningar um árabil bæði hérlendis og erlendis, og er búsett á Íslandi og á San Fransiskó svæðinu. Upplýsingar um verk hennar má finna á heimasíðu hennar og á Artwork Archive.