Verkið tilheyrir sýningunni Portrett129, sýning Dóru Emilsdóttur og Kristínar Gunnlaugsdóttir í sýningarrými Listvals á Granda dagana 02.09-08.10.2022. 

doubletrouble er heiti á listrænni samvinnu myndlistarkvennanna Halldóru Emilsdóttur og Kristínar Gunnlaugsdóttur. Báðar hafa þær unnið að myndlist frá námsárunum í MHÍ, þar sem vinátta þeirra hófst. Í upphafi 2020 eða byrjun covid, ákváðu þær að hefja samstarf í málun portrettmynda, þar sem ein byrjaði og hin tæki við. Báðar væru þær með þeim hætti höfundar verksins. 

doubletrouble kemur ekki á óvart sem nafn á tvíeykinu þar sem léttleiki og húmor er einkennandi fyrir bæði vináttu og samstarf þessara vinkvenna. Gagnrýni og kröfur á listræna útkomu, án málamiðlana er sú sama hjá báðum og byggir á trausti áralangrar vináttu. 

Portrettin urðu alls 129.