Eva Brá Barkardóttir (f. 1987) býr og starfar í London þar sem hún lauk MA gráðu í myndlist frá Chelsea College of Arts árið 2020. Hún lauk BA gráðu í fatahönnun frá Listaháskóla Íslands árið 2012 og efnis- og textílþráhyggja er ansi fyrirferðarmikil í hennar listsköpun. Eva Brá notar oft mistök og fljótfærni sem kveikju að verkum sínum þar sem reynt er að kryfja stöðu mannsins gagnvart náttúrunni og því ógnvekjandi ástandi sem við höfum skapað okkur og henni. Verkin eru ákveðin rannsókn á ósamræmi milli hins náttúrulega og hins ofur-ónáttúrulega.