Halldór Kristjánsson (f. 1992) er listmálari starfandi í Reykjavík. Eftir nám í akademískri málun í Florence Academy of Art í Gautaborg, Svíþjóð, hefur hann iðkað list sína í bland við kennslu í olíumálum í myndlistarskóla Kópavogs og Reykjavíkur. Undir áhrifum málara 19. aldarinnar er teikning og blanda ljóss og skugga í fyrirrúmi í verkum Halldórs. Með þeim aðferðum sækist hann eftir því að fanga draumkenndar svipmyndir sem liggja handan þess sjáanlega. Verk Halldórs eru fígúratív og spanna vítt viðfangsefni, frá draumkenndum myndum af fólki að landslagi. Náttúran stendur honum nærri og er endalaus brunnur hughrifa og griðastaður.