Kristín Morthens (f. 1992) útskrifaðist með BFA í málverki úr OCAD University, Torontó, Kanada árið 2018 þar sem hún hlaut heiðursverðlaun fyrir framúrskarandi árangur í málverki. Í verkum hennar eru frásagnir af nánd, aðskilnaði og mörkum túlkaðar útfrá líkamlegum formum innan óræðra rýma, sem virðast ekki tilheyra þessum heimi. Verk Kristínar hafa verið sýnd á sýningum í söfnum og galleríum á Íslandi, í Evrópu og í Bandaríkjunum og Kanada.