Myndasería sem er útbúin með aðstoð reikniaðferða sem líkja eftir náttúrulegum vexti plantna. Fyrst eru myndirnar reiknaðar út í tölvu. Hver mynd sem verður til í því ferli er einstök.

Úr því safni eru valdar myndir til að færa á blað. Myndin er teiknuð með plotter sem hreyfir japanskan pensil yfir blaði. Blekið í pennanum er búið til úr íslenskum krækiberjum.

Útkoman er mynd af plöntu sem er í senn lífræn og ólífræn á marga mismunandi vegu.

Í þessari seríu eru 8 myndir sem allar eru einstakar og er blekið í þeim búið til úr krækiberjum sem tínd voru í Svarfaðardal í lok ágúst 2021. Áður hafa samskonar myndir verið gerðar í A4 og A6 stærðum.