Halldór Ragnarsson (f. 1981) lauk B.A. gráðu (2007) og M.A. gráðu (2014) frá myndlistardeild Listaháskóla Íslands eftir að hafa numið heimspeki áður við Háskóla Íslands. Halldór á 13 einkasýningar á bakinu (2021) ásamt því að hafa tekið þátt í fjölda samsýninga; bæði hér og erlendis. Listamaðurinn gaf ennfremur út ljósmyndabókina Leit að lífi árið 2018, sem er ferðasaga hans byggð á ljósmyndum og dagbókum sem hann hélt á þriggja mánaða ferðalagi sínu á eyjum suður Karíbahafsins veturinn 2017-18.